usaha lift kejayaan..

hey im poor so what?? im happy meh!

Ajis (nama manja dirumah!) ne andang seorang yang miskin yow! (te-yow2 saja me ne, kana sumpah si budi kali!) memang turun temurun keluarganya miskin. Hj Ali (miskin tapi haji ah??) ne sayangkan satu-satu anaknya. bininya udah lama meninggal dunia. kan mengidun, inda beusin. yatakan Ajis ne tah ganya mata pencarian dua beranak ne. Ajis ne rajin minta upah urang-urang kampung macam naik puhun piasau kan, mengambil rabung, lamiding then dijualnya, bukan macam anak kampung disana tu bagak-bagak udah badan masih jua bawah ketiak indung!

aisyah CNI, labih capat dari internet, ia yang labih-labih tahu gabannya ne! "suwa suwey kamoneng hj ali!"

"eyh kau dang! cerita apa lagi kau kan bawa pagi-pagi ne sah?? ada-ada saja kau ani"

"nada deyh! inda bah anak ketua kampung ah. membali udah mutu baru yang latest atu. anak aji bukan mengucapkan kapchai buruk turun temurun out of book udah!"

"eyh dang! cakap bisai-bisai dang eyh! anak ketua kampung kan kau banggakan?? yang manang judi ah! baik tah kau balik, karang ku papat jambul mu atu baru kau tau!"

"emo tah pulang, kupi pun nada miskin jua banar! bah balik tah ku!"

"kenapa ia maci CNI ah pa?? mun lantik-lantik macam itik jalannya tu ada tah marahkannya tu."

"nada papa wang. paham-paham la si sah CNI atu macam macam berita bawa nya tu jangan tah! tadi lagi ucapnya kapchai mu buruk eh ada ada saja"

"ehh luan jua maci tu! nanti tah ku mbali mutu harli&devisun tu baru ia!"

"eh jangan tah wang eh. ne makan pakai tani udah cukup cukup makan. apa tah lagi mutu?!"

"pantang dicabar ne pa! bah mulai esuk tah ku started bisnes yang urang lain inda tbuat! mliat taya karang nah!"

selepas beberapa bulan ajis meninggalkan kampung, berusaha sendiri mencari pendapatan lebih. yang menghairankan hj ali setiap bulan anaknya membagi usin arahnya. ia cakap 'untung labih pa, buat ja belanja dapur pa samua.' labih dari mencukupilah sehingga hj ali membali cat rumah baru, mambali reban untuk ayam, dan beberapa ekor kambing. kalau dulunya hj ali jarang mengupi di warung ah pet, ne sudah menjadi kebiasaan udah. urang kampung banyak hairan hj ali yang kaya mendadak itu. so aisyah CNI pa lagi datang la dengan lantik-lantiknya kerumah hj ali ne yang masa tu mencangkul halaman rumah.

"paji wah makin beusin ne, usin mencuri pakah??"

"kau ne dang inda mengucap nda sah, anak ku bisnes bah!"

balum batah ada tia anaknya ne balik dangan mutu harli&devisun bekaca-kaca mata macam sibanar!

"eyh apa rahsia kita beusin??"
























"JUAL GALANG!!!"

Ed's review: palui banai ceta ah. me dangar mcm sibana concentrate udah ne macam siuk bunyinya. skali endingnya CELAPUTS! kana me sama dgn2 me mdgr ah! hahahaha~~ pikir bana cetanya ne panya iklan may 1st!